पुणे : शहर जिल्हा काँग्रेस कमिटीचे संघटक सचिव चैतन्य पुरंदरे यांची नुकतीच पुणे शहर जिल्हा काँग्रेस कमिटीच्या सोशल मीडिया सेलच्या प्रमुखपदी नियुक्ती करण्यात आली.
प्रदेशाध्यक्ष अशोक चव्हाण यांच्या मान्यतेने ही नियुक्ती करण्यात आलेली असून, काँग्रेसचे शहराध्यक्ष रमेश बागवे यांनी काँग्रेस भवन येथे याबाबतचे नियुक्तीपत्र पुरंदरे यांना प्रदान केले. या वेळी पक्षाचे पदाधिकारी व कार्यकर्ते उपस्थित होते.
सोशल मीडियाच्या माध्यमातून पक्षाची ध्येयधोरणे जनतेपर्यंत पोहोचविण्यास कटिबद्ध राहणार असल्याचे पुरंदरे यांनी या वेळी सांगितले; तसेच पुणे शहर जिल्हा काँग्रेस कमिटीचे अधिकृत फेसबुक पेज व व्हॉट्सअॅप ग्रुप लवकरच तयार करणार असल्याची माहिती त्यांनी दिली.
